خليك دايما فخور
بنفسك كده ومبسوط منك ... إنت
مفيش منك في الدنيا دي كلها غير واحد بس J
ماتحاولش تبقى نسخة من حد تاني ..لان العالم مش محتاج اتنين من الإنسان ده ... واكيد هو هيكون أحسن منك في إنه يكون "هو" ...لكن العالم محتاجك أنت .... J
أنت اللي الناس اللي حواليك بيحبوه عشان الحاجات اللي فيه حتى لو الحاجات ديه مش بتعجبهم ساعات ... لكن شوية الحاجات اللي بتعجبهم واللي مش بتعجبهم دي فوق بعض في الآخِر بتكون الشخصية اللي هم حابينها ... J
اعمل شخصنة (customization) لكل حاجة في حياتك بحيث إنها تعبر عنك ... رنة موبايلك ... باكجراوند "تويتر" ..تايم لاين الـ"فيسبوك" J
اكتب كل اللي بتفكر فيه وخلي الناس تشوفه حتى لو محدش عمل لك" لايك" أو" ريتويت" ... إن شاء الله ماحد عبرك .. بس قول اللي جواك ..لان احتمال محدش غيرك يفكر فيه J
ماتستقلش باي فكرة جت على بالك مهما كانت صغيرة ... لان احساسك وإنت شايفها بتكبر هيعوضك عن كل اللي تعبته عشانها... J
لو سمعت حاجه وجت على بالك ألشه حلوه عليها وحاسس فيها ابداع قولها حتى لو هيقولوا عليك رخم .. بس عشان خاطري من غير ابتذال J
لما تجيب تي شيرت جديد .. امشي كده وأنت مبسوط إن شكلك حلو ولابس حاجة شيك ولما حد يقول لك "ايه الشياكة دي" ، قول له " دي أقل حاجة عندي" J
ولما تلبس حاجة إنت مش بتحبها أو قديمة أو لسه لابسها امبارح..متضايقش نفسك ولا ثقتك في نفسك تقل ، ماحدش بيربط بين لبسك النهارده ولبسك امبارح غير صحابك القريبين أوي ودول حابينك زي ما أنت أيا كان اللي أنت لابسه J
No comments:
Post a Comment